السلام عليكم
بن فطيس يسب ناصر الفراعنة وهو جالس بمجلس الشعراء
ووين الاخلاق يابن فطيس والا خفت على البيرق افااااااااااااا بس افاااااااااا
ياجماعة كلكم شفتوا الحلقة قبل الاخيرة يوم يجي بن فطيس المغرور وهو ايضاً يقصد الشعراء السعوديين
كلنا سمعنا قصيدته وهذي بعض ابيات منها وهذا معناها من وجهة نظري
انا مستغرب ليه يسب ناصر وهو ماتحداه ومحترمه ولم يقل في بن فطيس كلمه
انظروا
كم فارسٍ وده يحول غير هاب &&&&&&&&يستوحش الماخوذ لا شاف المضيق
كم شاعراً وده يشارك غير هاب &&&&&&&& يستوحش الماخوذ لا شاف المضيق
= يقصد ياسر التويجري لانه ماكمل واعلن انسحابه
وحشمت اذانيكم عن سقاط الخطاب&&&&&&&&ورقيت بيديكم على قمت طويق
= يقصددثريني يامنيرة
واليوم لاوالله شفت القاف شاب&&&&&&&& وصار الشعر كوره وكل له فريق
= يقصد الشاعر عيضة السفياني وتشجيعة لنادي الهلال و شاعرالمليون النسخة الثانية
وضاع الهدد بين الحديا والغراب &&&&&&&& وضاع الطهين مكرمين من النهيق
= الحديايقصدخلف مشعان لانه تحداه والغراب يقصد ناصر
الا الرجال الي قصايدهم عذاب &&&&&&&&الي لها معنا بها حسن رقيق
= يقصد ولد ديرته خليل
لاتشعل الفتنة ولاتطرد سراب &&&&&&&&ولايرقع مانقصها بالزعيق
= وهنا يقصد ناصر الفراعنة في الزعيق
الذيب كانه ذيب يدرع في الذياب &&&&&&&&يخلي الخرفان للضبع العويق
= وهنا يخاطب خلف مشعان يعني كانك ذيب تعال لي انا الذيب وخل عنك (الخرفان=الشعراء الاخرين)
انا مستغرب ليه يسب ناصر وهو ماتحداه ومحترمه ولم يقل في بن فطيس كلمه
يظل الكبير كبير والله انك ياناصر افضل من بن فطيس و10 من امثالة لانك قمة في الاخلاق ولكنك لاترضى الاهانة
شوفوا رد الشاعر المعجزة بطل الشعب(ناصر الفراعنة) على هذا المغرور
ناقتي ياناقتي ماعليك من الهروج&&&&&&&&صيحتين في قفا الذيب يقفاها عجاج
يامكثرت الحكي والفعايل عوج هوج &&&&&&&& مايحذف الناس من كان بيته من زجاج
ياحمدطيراًجناحه ورى صدري يروج&&&&&&&&وش اسوي كانه افلت من ضلوعي وراج
المطالب ياحمد دونها ضرب الفجوج &&&&&&&& دونها شربة قراح مثل شربك هماج
ياحمد لاتامن الجذب في خضر المروج&&&&&&&&مزنت العذب الفرات امطرت ملح اوجاج
لاتعجب من علوج توطتها علوج&&&&&&&&والله ان الشر للشر احياناً علاج
باترفع عن رجالٍ على الهينة تدوج&&&&&&&&عالمن رامت مرام الصقور وهي دجاج
وش نبي في هامتن همها ضحكت غنوج&&&&&&&&اوقيامت قامتن ماتقوم عود عاج
العقيلة ماتبي غير ابن حربان زوج &&&&&&&&يوم حاجات الذيابة غدت عند النعاج
ياحمد مسيار ربعي علي فوج فوج &&&&&&&&غايتي يوم الردي غايته نجمة وتاج
والله يالربع اني كنت محترم بن فطيس بس بعد قصيدته الي بان فيها على حقيقته مغرور
اتوقع حتى ناصر الفراعنة ماكان متوقع قصيدة بن فطيس لان مابينه وبينه شي
يامكثرت الحكي = بن فطيس (مايحذف الناس من كان بيته من زجاج)
ياحمد = بن فطيس (ياحمدطيراًجناحه ورى صدري يروج&&&&&&&&وش اسوي كانه افلت من ضلوعي وراج)
ياحمد = محمد بن حمد بن فطيس
العقيلة = البيرق
ماتبي غير ابن حربان زوج قاله ناصر وهو يشير الى نفسه
يوم حاجت الذياب صارت عند النعاج الي هو البيرق والمسؤليين عنه
هذا والله اجتهاد شخصي مني والله اعلم بس بن فطيس والله غلطان حتى لوقال ما كانت اقصد ناصر
يظل الكبير كبير
وناصر سوف يحصل قريباً على بيرق الجماهير الي هو افضل بمليون مره من بيرق المليون
خل مليونهم ينفعهم
الإثنين يونيو 02, 2008 5:21 pm
